Hindistan və İndoneziya strateji tərəfdaşlığı gücləndiriblər

Rusiya-Ukrayna müharibəsi və Yaxın Şərqdə artan gərginlik Asiya və Sakit okean ölkələrində də diqqətlə izlənilir. Çünki, ətrafdakı gərginliyin bölgəyə sıçrama ehtimalı var. Bu məqsədlə bölgə ölkələri yeni ittifaqlar formalaşdırmağa çalışırlar. Hindistanın baş nazir Narendra Modinin Asiya-Sakit okean regionunda əlaqələri möhkəmləndirmək üçün İndoneziya, Avstraliya və Yeni Zelandiyaya səfəri də bununla bağlıdır. Modi səfərinə 6 iyulda İndoneziyadan başlayıb. Modi daha sonra Avstraliyaya gedəcək və səfərini 11 iyulda Yeni Zelandiyada başa çatdıracaq.

Bu, Modinin 2018-ci ildə hərtərəfli strateji tərəfdaşlıq münasibətlərinin qurulmasından bəri İndoneziyaya ilk rəsmi səfəridir. Modinin İndoneziyanın prezidenti Prabovo Subiantonla görüşü olub. Liderlər Hind-Sakit Okean bölgəsində sabitliyin və sülhün qorunmasında oynaya biləcəyi rolu müzakirə ediblər. İki ölkə strateji tərəfdaşlığı gücləndirməyə qərar veriblər. Strateji tərəfdaşlıq bütün, o cümlədən dəniz və rəqəmsal bağlantıdan tutmuş təhlükəsizliyə qədər sahələri əhatə edir.

İndoneziya və Hindistan Qoşulmayanlar Hərəkatının və BRİCS-in üzvləridir. Yeni Dehli 2025-ci ildə İndoneziyanın 2025-ci BRICS-ə qoşulmasını dəstəkləyib. Hindistan kimi İndoneziya da Çinin bölgədə artan hərbi gücündən narahatdır. İndoneziya Çin hərbi gəmilərinin bir neçə dəfə onun sularına daxil olmasından narahatlığını bildirib. Çin isə bir neçə dəfə İndoneziyanın öz sularında qaz kəşfiyyat çalışmalarından narazılığını vurğulayıb. Bu iki ölkə arasında açıq qarşıdurmaya səbəb olmasa da, iki ölkə arasındakı mübahisələr ortadan qaldırılmayıb.

Göründüyü kimi, Hindistanın əsas diqqətini Hind okeanına yönəlib. Narendra Modi Dehlini tərk etməzdən əvvəl İndoneziya, Avstraliya və Yeni Zelandiyaya səfərinin Hindistanın Şərq siyasətini, o cümlədən “Mahasaqar konsepsiyasını” və “azad və açıq Hind-Sakit Okean regionu üçün vizyonumuzu” gücləndirəcəyini bildirib. Modinin 2025-ci Mavrikiyə səfəri zamanı elan etdiyi “Mahasaqar konsepsiyasının” ideyası bölgələr arasında təhlükəsizlik və artım naminə qarşılıqlı və vahid inkişafı nəzərdə tutur. Bu konsepsiya çərçivəsində Hindistan özünü Qlobal Cənub ölkələrinin ehtiyac və istəklərinin ödənilməsində “etibarlı təhlükəsizlik tərəfdaşı” kimi təqdim etməyə çalışır. Bu, təkcə Hindistanın yaxın qonşusu olan Hind okeanı bölgəsini deyil, həm də digər dəniz ərazilərini – Şərqi Afrika, Latın Amerikası və Cənubi Çin dənizinə qədər uzanan daha geniş Hind-Sakit okean bölgəsini əhatə edir.