Blog

Qərb mətbuatında Çində generalların həbs barədə məlumatlar yayılıb. Çinin ən güclü iki hərbi lideri olan Çjan Yuşya və Liu Zhenli artıq rəsmi olaraq həbsdədirlər. Si Cinpinin müavini Çinin nüvə proqramı barədə məlumatlarını ABŞ-yə ötürməkdə ittiham olunur. Bu barədə “The Wall Street Journal” məlumat yayıb. Qəzetin yazdığına görə, Çin Xalq Respublikasının lideri Si Cinpinin Mərkəzi Hərbi Şuradakı birinci müavini Çjan Yuşya ölkənin nüvə proqramına dair məxfi məlumatları ABŞ-yə ötürməkdə ittiham olunub. Məlumata əsasən, yanvarın 24-də Çin silahlı qüvvələrinin yüksək rütbəli zabitləri üçün keçirilən qapalı brifinqdə bildirilib ki, Çjan ABŞ tərəfinə Çinin nüvə silahları ilə bağlı əsas texniki məlumatları təqdim edib. Bundan əlavə, hakimiyyət orqanları onun hərbi texnika üzrə tədqiqat, istehsal və satınalmaya cavabdeh quruma nəzarəti ilə bağlı fəaliyyətini də araşdırır.

Mənbələrin bildirdiyinə görə, Çjanın hərbi satınalma sistemində vəzifədə irəliləyiş qarşılığında rüşvət aldığı, həmçinin bir zabitin müdafiə naziri vəzifəsinə təyin olunmasına kömək etdiyi ehtimal olunur.

Çinin Vaşinqtondakı səfirliyinin nümayəndəsi Lyu Penqyunun “The Wall Street Journal”a verdiyi açıqlamada qeyd olunub ki, partiyanın Çjanla bağlı araşdırma aparması rəhbərliyin korrupsiyaya qarşı “tam dözümsüzlük və hərtərəfli mübarizə” siyasətinə sadiq olduğunu göstərir.

Çin lideri Si Cinpin ölkənin ən yüksək rütbəli generallarından birini istintaqa cəlb etməklə ordudakı güc balansını tamamilə dəyişib. Bu addım Si Cinpini hərbi iyerarxiyanın demək olar ki, yeganə qərarverici fiquruna çevirib və Pekinin Tayvanla bağlı planları da daxil olmaqla, region üçün ciddi suallar yaradıb. Bu sözlər CNN telekanalının analitiki Saymon Makkartinin yazısında yer alıb.

Müəllifin göstərdiyi kimi, Müdafiə Nazirliyinin yayımladığı 30 saniyəlik videoda Mərkəzi Hərbi Komissiyanın sədr müavini Çjan Yousya və Xalq Azadlıq Ordusunun əməliyyat rəhbəri Liu Çjenlinin istintaqa cəlb edildiyi açıqlanıb. Ardınca ordunun rəsmi nəşri olan PLA Daily bu şəxsləri Si Cinpinin iqtidarını sarsıtmaqda ittiham edib.

Mütəxəssislərə görə, bu addım son 10 ildə aparılan genişmiqyaslı “təmizləmə” kampaniyasının zirvə nöqtəsidir. 2023-cü ildən bəri 20-dən çox yüksək rütbəli hərbçi və müdafiə sektorunun rəhbəri vəzifədən uzaqlaşdırılıb. Brukinqs İnstitutunun eksperti Conatan Szin CNN-ə açıqlamasında bu prosesi Çin siyasətində “seysmik dəyişiklik” kimi qiymətləndirib. “Bu göstərir ki, sistem daxilində heç kim toxunulmaz deyil”, – deyə o qeyd edib.

Çjan Yusya uzun illər Si Cinpinin ən yaxın müttəfiqlərindən biri hesab olunurdu. Onların ailə bağları Çin Vətəndaş müharibəsi dövrünə qədər gedib çıxır. Məhz buna görə onun istintaqa cəlb edilməsi siyasi dairələrdə “şok effekti” yaradıb. “The Wall Street Journal”ın məlumatına görə, Çjan ABŞ-yə nüvə silahları ilə bağlı məxfi məlumat ötürməkdə və korrupsiyada ittiham olunur. Lakin CNN bu məlumatları hələ təsdiqləməyib. Bəzi ekspertlər hesab edir ki, bu ittihamlar daha çox partiya daxilində narahatlığı azaltmaq məqsədi daşıya bilər. Əsas məqsəd isə orduda bütün güc mərkəzlərini ləğv etməkdir.

Asiya Siyasət İnstitutunun analitiki Nil Tomas bildirib ki, rəsmi bəyanatların dili Çjanın Si Cinpin üçün təhlükəyə çevrildiyini göstərir. Si Cinpin 2012-ci ildən bəri ordunu köklü şəkildə yenidən qurur. Məqsəd yalnız modernləşmə deyil, həm də ordunun tam şəkildə partiyaya və liderə bağlı olmasını təmin etməkdir.

Sinqapurda yerləşən Müdafiə Araşdırmaları İnstitutunun eksperti Ceyms Çar CNN-ə deyib: “Si Cinpinin bu qədər yüksək rütbəli generalı kənarlaşdırması onun mövqeyinin sarsılmaz olduğunu göstərir”. Hazırda Mərkəzi Hərbi Komissiyanın əvvəlki altı üzvündən yalnız biri vəzifədə qalıb. Bu isə ordunun rəhbərliyində ciddi boşluq yaradıb. Analitiklər bildirir ki, bu vəziyyət Çin ordusunda müəyyən xaos yaratsa da, gündəlik fəaliyyət hələlik davam edir. Boş qalan vəzifələrə daha gənc və texniki baxımdan hazırlıqlı zabitlər gətirilir. Lakin bu prosesin Tayvan məsələsinə təsiri hələ də qeyri-müəyyəndir. Liu Çjenlinin istintaqa cəlb olunması xüsusilə diqqət çəkir, çünki o, ordunun əsas döyüş əməliyyatlarına nəzarət edirdi. Ekspertlərin fikrincə, Si Cinpin hazırda ABŞ-nin Tayvan məsələsinə nisbətən passiv yanaşmasından istifadə edərək orduda “təmizlik” aparmaq üçün münasib vaxt seçib. CNN-in analitiklərinə görə, Çin lideri qarşıdakı illərdə mümkün siyasi və hərbi ssenarilərə hazırlaşmaq məqsədilə orduda yalnız şəxsi sədaqətə əsaslanan yeni sistem qurur.

ABŞ Prezidenti Donald Tramp Çinlə əməkdaşlığa görə Kanadanı 100 % tariflərlə hədələdikdən sonra iki ölkə arasında münasibətlər yenidən gərginləşib. Trampın “Truth Social” hesabında bunları yazıb: “Əgər qubernator Karni (Kanadanın Baş naziri Mark Karnini nəzərdə tutub) düşünürsə ki, o, Kanadanı Çinin mal və məhsullarını Birləşmiş Ştatlara göndərmək üçün “transfer limanı”na çevirəcək, o, dərindən yanılır. Çin Kanadanı “diri-diri yeyəcək”, biznesləri, sosial strukturu və ümumi həyat tərzinin dağılması da daxil olmaqla, onları tam “udacaq”. Əgər Kanada Çinlə sövdələşmə bağlasa, Kanadanın ABŞ-yə daxil olan bütün mal və məhsullarına dərhal 100 % rüsum tətbiq ediləcək”.

Donald Trampın tonundan narazı qalan Mark Karni “X” sosial şəbəkəsində paylaşdığı videomüraciətdə xaricdən gələn təhdidlər fonunda kanadalıların seçimlərini etiklədini vurğulayıb. Baş nazir ABŞ-a işarə edərək başqa ölkələrin diktəsini qəbul etməyəcəyini bildirib. Kanada baş naziri çıxış yolunu belə izah edib: “Kanada məhsul alın, Kanada malları istehsal edin. Birlikdə güclü Kanada quracağıq”. Baş nazir bununla işarə edib ki, Tramp Kanadaya qarşı elan etdiyi gömrük rüsumları tətbiq edərsə, kanadalılar ancaq öz imkanlarına arxalanmalıdırlar.

ABŞ-Kanada münasibətlərinin gərginləşməsi Çinin maraqlarına xidmət edir. Pekin fürsətdən istifadə edərək Trampın Kanadaya təzyiqi forunda Ottava ilə tərəfdaşlığı gücləndirmək istəyir. Çinin Kanadakı səfirliyi Trampın təzyiqləri ilə bağlı açıqlama yayıb. Açıqlamada Çin ilə Kanada arasında sağlam və sabit münasibətlərin möhkəmlənməsinin hər iki ölkənin ümumi maraqlarına cavab verdiyi yazılıb.

Kanadanın baş naziri Trampın hədələrini nəzərə almayaraq bu ayın ortalarında Çinə səfər etmiş və bu ölkənin lideri Si Cinpinlə görüşmüşdü. Bu Kanadada hökumətə başçılıq edən şəxsin 2017-ci ildən sonra Çinə ilk rəsmi səfəri idi. Pekindəki müzakirələrdə iki ölkənin iqtisadi əməkdaşlıq perspektivləri ətrafında fikir mübadiləsi aparılıb. İki ölkə kənd təsərrüfatı, enerji və maliyyə sektorlarında əməkdaşlıq imkanlarını nəzərdən keçiriblər. Bu səfərdən və müzakirlərdən məmnun qalan Si Cinpin iki ölkə arasında əməkdaşlığı daha gücləndirməyə qərar verib.

Buna baxmayaraq, Çin Kanada iqtisadiyyatını ABŞ-ın təzyiqlərindən xilas edə bilməyəcək. Kanada ilə ABŞ iqtisadiyyatları arasında ciddi asılılıq var. İki ölkə arasında müxtəlif məhsulların idxal-ixrac əməliyyatları strateji əhəmiyyətə malikdir. ABŞ Kanada məhsulları üçün əhəmiyyətli bazardır. Kanada gömrük rüsumlarının artırılması nəticəsində bu bazardan məhrum olarsa, gəlirləri azalacaq.

Yanvarın 22-də Ukrayna Birlik Gününü qeyd edir — bu gün Ukrayna torpaqlarının tarixi birliyinin, dövlətçiliyin möhkəmləndirilməsinin, suverenliyin və ərazi bütövlüyünün rəmzidir. 1919-cu ildə Ukrayna Xalq Respublikası ilə Qərbi Ukrayna Xalq Respublikasının Birləşmə Aktı Ukrayna dövlətçiliyinin tarixində mühüm mərhələ olmuş və Ukrayna xalqının birlik, azadlıq və müstəqillik uğrunda iradəsini təsdiqləmişdir.

Bu gün Ukraynaya qarşı davam edən Rusiya silahlı təcavüzü şəraitində Birlik Günü xüsusi əhəmiyyət kəsb edir. Bu gün beynəlxalq ictimaiyyətin və cəmiyyətin beynəlxalq hüququn əsas və fundamental prinsiplərinin, ölkələrin suverenliyi və ərazi bütövlüyünün qorunması, birlik və birgə müdafiə ilə bağlı məsuliyyətini xatırladır.

Ukrayna qarşılıqlı hörmət, etimad və beynəlxalq hüququn fundamental normalarına ortaq sədaqət prinsiplərinə əsaslanan Azərbaycan Respublikası ilə strateji tərəfdaşlığı yüksək qiymətləndirir. Azərbaycan ardıcıl şəkildə Ukraynanın suverenliyini və ərazi bütövlüyünü dəstəkləyir və mühüm humanitar yardım göstərir. Bu həftə Prezident İlham Əliyevin tapşırığı ilə Ukraynaya növbəti humanitar yardım partiyası göndərilmişdir. Bu yardıma güclü generatorlar, transformatorlar, elektrik kabelləri və aşağı gərginlikli panellər daxil olmuşdur. Biz Azərbaycan rəhbərliyinə və xalqına Ukraynaya çətin dövrdə göstərilən həmrəyliyə və bu əhəmiyyətli dəstəyə, habelə zərər çəkmiş regionlardan olan ukraynalı uşaqlar üçün sağlamlaşdırma və reabilitasiya proqramına, İrpin şəhərində sosial obyektlərin bərpasına, dərman vasitələrinin, ərzaq məhsullarının, yanacağın və Ukraynanın kritik enerji infrastrukturunun bərpası üçün zəruri avadanlıqların tədarükünə görə səmimi minnətdarlığımızı bildiririk.

Ukrayna da öz növbəsində hər zaman Azərbaycanı, onun suverenliyini və ərazi bütövlüyünü dəstəkləmiş və dəstəkləməkdə davam edir. Bakının mərkəzində yerləşən Şəhidlər Xiyabanında Birinci Qarabağ müharibəsi zamanı Şuşa şəhəri yaxınlığında həlak olmuş ukraynalı helikopter pilotu Viktor Seryogin dəfn olunmuşdur; o, ölümündən sonra Azərbaycan Respublikasının Qəhrəmanı adına layiq görülmüşdür. Dövlətlərimizin milli maraqların müdafiəsi, sərhədlərə hörmət və beynəlxalq hüququn pozulmasına yol verilməməsi məsələlərində qarşılıqlı dəstəyi Qara dəniz–Xəzər regionunda və bütövlükdə dünyada sabitliyin və təhlükəsizliyin mühüm elementidir.

İkitərəfli gündəlikdə energetika sahəsində əməkdaşlıq xüsusi yer tutur. 2025-ci ildə “Naftoqaz Ukrayna” Milli Səhmdar Cəmiyyəti ilə SOCAR şirkəti arasında Türkiyə, Bolqarıstan və Rumıniya ərazisindən keçməklə Ukraynaya Azərbaycan təbii qazının pilot partiyasının tədarükünə dair müqavilənin imzalanması Ukrayna üçün enerji təchizatı mənbələrinin şaxələndirilməsi və Avropanın enerji təhlükəsizliyinin gücləndirilməsi məsələsində əsl irəliləyiş olmuşdur. Ukrayna energetika, logistika, enerji resurslarının nəqli, bərpa olunan enerji mənbələrinin inkişafı və infrastrukturun modernləşdirilməsi sahələrində Azərbaycanla qarşılıqlı faydalı əməkdaşlığın daha da genişləndirilməsində maraqlıdır.

Ukrayna və Azərbaycan arasında strateji tərəfdaşlıq Qara dəniz–Xəzər regionunda təhlükəsizliyin, sabitliyin və inkişafın təmin edilməsində mühüm rol oynayır. Dövlətlərimizin beynəlxalq təşkilatlar çərçivəsində fəal qarşılıqlı fəaliyyəti və bir-birinə göstərdiyi dəstək Ukrayna–Azərbaycan münasibətlərinin strateji xarakterini və onların beynəlxalq hüququn ümumtanınmış prinsiplərinin müdafiəsinə yönəldiyini təsdiqləyir.

Ukrayna–Azərbaycan münasibətləri dərin tarixi köklərə malikdir. Ukrayna Xalq Respublikası ilə Azərbaycan Demokratik Respublikası arasında diplomatik münasibətlərin əsası hələ 1918-ci ildə qoyulmuşdur ki, bu da xalqlarımız arasında qarşılıqlı dəstəyin, əməkdaşlığın və həmrəyliyin mühüm tarixi nümunəsidir. Bu tarixi irs bu gün müasir strateji tərəfdaşlığın gələcək inkişafı üçün möhkəm əsas olmuşdur.

2026-cı ildə Ukrayna Azərbaycan Respublikası ilə hərtərəfli əməkdaşlığın daha da dərinləşdirilməsinə, energetika sektorunda, nəqliyyat və logistika sahələrində, investisiyaların cəlb olunması, səhiyyə, təhsil və mədəniyyət istiqamətlərində birgə layihələrin həyata keçirilməsinə sadiqdir. Biz əminik ki, Ukrayna–Azərbaycan strateji tərəfdaşlığının inkişafı regional təhlükəsizliyin möhkəmləndirilməsinə, iqtisadi artıma və suverenlik, ərazi bütövlüyü və beynəlxalq hüquq prinsiplərinə əsaslanan ədalətli sülhün bərqərar olmasına bundan sonra da töhfə verəcəkdir.

Ukraynanın Azərbaycan Respublikasındakı Səfiri Yuriy Husyev

Yanvarın 14-də Yaponiya və Filippin Çinin bölgədəki artan hərbi gücünün qarşısını almaq və fəlakətlərə hazırlığı artırmaq üçün birgə hərbi təlimlər zamanı sursat, yanacaq, ərzaq və digər zəruri malların rüsumsuz tədarükünü təmin edən müdafiə müqaviləsi imzaladılar.

Yaponiya Çinlə artan siyasi, ticarət və təhlükəsizlik gərginliyi ilə üzləşib və bu, baş nazir Sanae Takaiçinin Çinin Tayvana qarşı mümkün hərəkətlərinin Yaponiyanın müdaxiləsinə səbəb ola biləcəyi barədə açıqlamasından qəzəblənib. Yaponiya və Filippinin həmçinin Şərqi Çin dənizində və Cənubi Çin dənizində Pekinlə ayrıca ərazi mübahisələri var ki, bu mübahisələr daha da şiddətlənir və iki Asiya ölkəsinin müqavilə müttəfiqi olan ABŞ-ı cəlb etməklə hədələyir.

Yaponiya xarici işlər naziri Toşimitsu Motegi Manilada Filippin xarici işlər naziri Tereza Lazaro ilə Satınalma və Birgə Xidmətlər Sazişini imzaladı. Mərasim zamanı Yaponiya həmçinin Filippinə yeni təhlükəsizlik və iqtisadi inkişaf yardımı, o cümlədən qayıq sığınacaqlarının maliyyələşdirilməsi və bir vaxtlar müsəlman azlığın separatçı üsyanı nəticəsində viran edilmiş Filippinin yoxsul cənub əyalətlərində internetə çıxışın genişləndirilməsi barədə məlumat verdi. Lazaro müqavilə imzalandıqdan sonra bildirib ki, “Hər ikimiz, xüsusən də Cənubi Çin dənizində naviqasiya və uçuş azadlığı da daxil olmaqla, qanunun aliliyinin gücləndirilməsinin vacibliyini qəbul edirik”.

Motegi bildirib ki, o və Lazaro “Şərqi və Cənubi Çin dənizlərində status-kvonu güc və ya məcburiyyət yolu ilə dəyişdirmək üçün birtərəfli cəhdlərə qarşı çıxmağa davam etməyin vacibliyi barədə razılığa gəliblər”. Bu, getdikcə daha iddialı hala gələn, lakin Çindən bəhs etməyən Pekinə qarşı açıq bir tənqid idi. Qüvvəyə minməzdən əvvəl Yaponiya qanunvericiləri tərəfindən təsdiqlənməli olan Hərbi Lojistik Sazişi, Yaponiya və Filippin arasında təhlükəsizlik ittifaqını gücləndirmək üçün son əsas müdafiə paktıdır.

Yaponiya və Filippin rəsmilərinin fikrincə, bu, yalnız birgə hərbi təlimləri asanlaşdırmayacaq, həm də Yaponiya və Filippinin qarşılıqlı narahatlıq doğuran təbii fəlakətlərə birgə reaksiya verməsinə və Birləşmiş Millətlər Təşkilatının sülhməramlı əməliyyatlarında iştirak etməsinə kömək edəcək. 2024-cü ilin ortalarında iki ölkə qarşılıqlı giriş müqaviləsi imzalayıblar ki, bu da hər iki ölkənin silahlı qüvvələrinin döyüş atəşi təlimləri də daxil olmaqla, birgə, daha genişmiqyaslı döyüş təlimləri üçün digər ölkənin ərazisində yerləşdirilməsinə imkan verir. Saziş sentyabr ayında qüvvəyə minib. Yaponiya və Filippin rəsmiləri hələ də iki ölkə arasında yüksək həssas müdafiə və hərbi məlumatların mübadiləsində təhlükəsizliyin artırılmasına yönəlmiş başqa bir razılaşma üzrə danışıqlar aparırlar. Ötən ilin aprel ayında Filippin prezidenti Ferdinand Markos və o vaxtkı Yaponiyanın Baş naziri Şigeru İşiba Manilada Satınalma və Birgə Xidmətlər Sazişi üzrə danışıqların başlandığını birgə elan etdilər.

İşiba həmçinin Çinin adını çəkmədən Pekinin aqressiv hərəkətlərini tənqid etdi. “Ümid edirəm ki, ölkələrimiz qanunun aliliyinə əsaslanan azad və açıq Hind-Sakit Okean bölgəsi qurmaq üçün sıx əməkdaşlıq etməyə davam edəcəklər”, – İşiba o zaman dedi. 2022-ci ildə vəzifəyə başlayan Markosun rəhbərliyi altında Çin və Filippin sahil mühafizə gəmiləri Cənubi Çin dənizində getdikcə daha çox toqquşur. Onun sələfi Rodriqo Duterte Çin prezidenti Si Cinpin və Rusiya prezidenti Vladimir Putinlə sıx əlaqələrini qoruyub saxlayıb.

Pekin sahil mühafizəsi və dəniz qüvvələrinin mövcudluğunu gücləndirdiyi və iddialarını gücləndirmək üçün süni ada bazaları tikdiyi demək olar ki, bütün su yoluna iddia edir. Malayziya, Vyetnam, Bruney və Tayvan da uzun müddətdir davam edən ərazi qarşıdurmasında iştirak edir. Şərqi Çin dənizində Çin müntəzəm olaraq həm Tokio, həm də Pekinin iddia etdiyi adaların ətrafındakı sulara və hava məkanına sahil mühafizəsi gəmiləri və təyyarələri yerləşdirir ki, Yaponiya gəmilərinin hərəkətinə mane olsun. Buna cavab olaraq Yaponiya bəzən qırıcı təyyarələrini havaya qaldırır. ABŞ dəfələrlə Çini mübahisəli sularda Vaşinqtonun Asiyadakı ən sadiq müttəfiqləri arasında olan Yaponiya və Filippinə qarşı artan təcavüzü barədə xəbərdar edib.

Çinin Londonda inşa etməyi planlaşdırdığı “super səfirlik” binası ilə bağlı ortaya çıxan sənədlər Böyük Britaniyada ciddi təhlükəsizlik narahatlığı yaradıb. İngilis mətbuatının yaydığı məlumatlara görə, layihədə ölkənin kritik maliyyə və kommunikasiya infrastrukturuna birbaşa yaxın yerləşən gizli məkanlar yer alır. Səfirlik binası ətrafında gərginlik azalmır. Londonun mərkəzində Çinin səfirlik binasının inşası əvvəl də Böyük Britaniyanın siyasi dairələrində narahatlıq yaradıb.

Daily Mail və The Telegraph qəzetlərinin yazdığına əsasən, səfirlik binasının altında 208 gizli otaqdan ibarət yeraltı şəbəkə nəzərdə tutulub. Sənədlərdə bu məkanlardan birinin Londonun maliyyə mərkəzinə məlumat ötürən fiber-optik kabellərə bir neçə metr məsafədə yerləşdiyi qeyd olunur.

Mütəxəssislər həmin ərazidə havalandırma və istilik sistemlərinin olması səbəbindən yüksək gücə malik texniki avadanlıqların quraşdırıla biləcəyindən narahatdır. Bu isə məlumatların izlənməsi və həssas dövlət, eləcə də maliyyə informasiyalarına çıxış riski yarada bilər.

İngiltərə milli təhlükəsizlik naziri Alisia Kerns layihənin təsdiqlənməsini sərt tənqid edərək, bunun Çinə ölkənin “kritik infrastrukturunun mərkəzində iqtisadi və kiber təhlükə platforması” yaradacağına şərait verəcəyini bildirib.

Qeyd olunur ki, səfirlik binası Londondakı 22 min kvadratmetrlik tarixi Royal Mint ərazisində yerləşəcək və Avropanın ən böyük Çin diplomatik missiyası olacaq. Layihə ilk gündən etibarən MI5 və MI6 daxil olmaqla təhlükəsizlik qurumlarının etirazı ilə qarşılanıb.

Buna baxmayaraq, Böyük Britaniyanın baş naziri Kir Starmerin Çin səfəri ərəfəsində layihəyə rəsmi icazə veriləcəyi iddia olunur. Hökumət isə açıqlamasında milli təhlükəsizliyin əsas prioritet olduğunu və bütün prosesin təhlükəsizlik mütəxəssislərinin nəzarətində aparıldığını bildirib.

Çinin Londradakı səfirliyi yayılan iddialara münasibət bildirməyib. Qeyd edək ki, britaniyalılar Çinin “super səfirlik” tikmək planına etiraz etmək üçün küçələrə axışıblar.

Kaliforniyalı 41 yaşlı Yan Lin bu gün Sinsinnatidə narkotik qaçaqmalçılığından əldə edilən on milyonlarla dollarlıq gəlirin yuyulması üçün sui-qəsd ittihamı ilə ilk dəfə məhkəməyə verilib.

Açıqlanan ittihamnaməyə görə, 2022-ci ilin martından 2024-cü ilin oktyabrına qədər Meksikada yaşayan narkotik tacirləri Lini ABŞ-ın müxtəlif şəhərlərində fentanil, kokain və metamfetamin satışından əldə edilən on milyonlarla dollarlıq mənfəəti Meksikaya qaytarmaq üçün işə götürüblər. Lin, Honkonq, Çin və digər yerlərdəki sui-qəsdçilərə göndərilən elektronika alan digərlərinə toplu pul çatdırmaq üçün sui-qəsdçilərinin təşkil etdiyi pulların alınması təsdiqləndikdən sonra Meksikada yaşayan narkotik tacirləri ödənişlərini komissiya çıxılmaqla Meksikada “güzgü əməliyyatı” vasitəsilə alacaqdılar. Linin 2024-cü ildəki pul müqavilələrinin yalnız bir hissəsini qeyd edən bir kitabda ABŞ-a çatdırılan toplu pul təxminən 27,4 milyon dollar təşkil edib.

“İttihamnamədə iddia edildiyi kimi, təqsirləndirilən şəxs ABŞ-dan Çin vasitəsilə on milyonlarla dollarlıq narkotik gəlirini yuyub və bu da Meksikadan ölkəmizə təhlükəli narkotiklərin davamlı axınına imkan yaradıb”, – deyə Ədliyyə Nazirliyinin Cinayət Bölməsinin köməkçisi A. Taysen Duva bildirib. “Narkotik ticarəti təşkilatlarını dəstəkləyən Çin çirkli pulların yuyulması şəbəkələrinin dağıdılması kartellərin və transmilli cinayətkar təşkilatların tamamilə aradan qaldırılması üçün vacibdir. Cinayət Bölməsi bu təhlükəli təşkilatları dolandıran və mənfəət əldə edən qanunsuz maliyyə şəbəkələrini amansızcasına təqib edəcək.”

“Çirkli pulların yuyulması olmadan, narkotik kartelləri istifadə edə bilməyəcəkləri çirkli pullarla ilişib qalıb”, – deyə Ohayo ştatının Cənub Dairəsi üzrə ABŞ prokuroru Dominik S. Cerase II bildirib. “Bu mənfəətpərəstlər ölümcül narkotiklərin icmalarımıza yayılmasını asanlaşdırmağa kömək edir və sanki narkotikləri özləri satmış kimi məsuliyyət daşıyacaqlar.”

“Qanunsuz gəlirlərin hərəkətini asanlaşdıranları hədəf almaqla, biz narkotik ticarəti əməliyyatlarının can damarına hücum edirik və amerikalıları qoruyuruq”, – deyə Detroyt Sahə Ofisinin İmmiqrasiya və Gömrük Mühafizəsi Daxili Təhlükəsizlik Təhqiqatları (HSI) üzrə məsul xüsusi agent vəzifəsini icra edən Metyu Stentz bildirib. “HSI, qanunsuz olaraq ölkəmizin maliyyə infrastrukturundan istifadə edərək cəmiyyətlərimizə narkotik maddələri ötürən cinayətkar şəbəkələri dağıtmaq və dağıtmaq üçün hüquq-mühafizə orqanları tərəfdaşlarımızla işləməyə sadiqdir.”

Detroyt Sahə Ofisinin IRS Cinayət Təhqiqatı (IRS-CI) üzrə məsul xüsusi agenti Karen Vingerd bildirib ki, “Qanunsuz narkotik mənfəətinin yuyulması narkotik kartelləri üçün onların qanunsuz narkotiklərinin paylanması qədər vacib və vacibdir. Bu ittiham aktı göstərir ki, pul axınını dayandırsaq, qaçaqmalçılar təşkilatlarını maliyyələşdirə bilməzlər. Ölkənin ən qabaqcıl maliyyə araşdırmaçıları olaraq, transmilli narkotik təşkilatlarını dağıtmaq və dağıtmaq üçün hüquq-mühafizə orqanları tərəfdaşlarımızla birlikdə çalışarkən təcrübəmizi təqdim etməkdən qürur duyuruq.”

FTB Sinsinnati Sahə Ofisinin xüsusi agenti Ceyson Kromarti bildirib ki, “Narkotik ticarətindən əldə edilən pulların yuyulması, amerikalıların təhlükəli narkotiklərindən zərər gördüyü bir vaxtda kartellərə böyük qazanc əldə etməyə kömək edir”. “Çirkli pulların yuyulması FTB və tərəfdaşlarımızın narkotik axınının qarşısını almaq və təhlükəli kartelləri dağıtmaq üçün çalışdığımız müddətdə araşdırmalarını davam etdirəcəyi ciddi bir cinayətdir.

Yan Lin çirkli pulların yuyulması və çirkli pulların yuyulmasını gizlətmək üçün sui-qəsddə ittiham olunur. Əgər təqsirli bilinərsə, Lin maksimum 20 il həbs cəzası ilə üzləşir. Bu iş HSI Sinsinnati Ofisi, IRS-CI, Nyu-York, Filadelfiya, Çarlston, Tulsa və Atlanta ofisləri, FTB Sinsinnati və Hamilton Şəhər Şerif Ofisinin Regional Narkotiklərlə Mübarizə Bölməsi daxil olmaqla Narkotiklərlə Mübarizə İdarəsi tərəfindən araşdırılır. DEA-nın Xüsusi Əməliyyatlar Bölməsi də istintaqa kömək edib.

İşin icraçı direktor müavininin müavini Minqda Hanq və Cinayət Bölməsinin Çirkli Pulların Yuyulması, Narkotik və Müsadirə Bölməsinin məhkəmə prokuroru Elizabeth Rabe və Ohayo Cənub Dairəsi üzrə ABŞ prokurorunun köməkçisi David Dornette tərəfindən araşdırılır.