Kategori: Projeler

“Microsoft”un rəhbəri Satya Nadella bildirib ki, korporasiya Hindistana 17,5 milyard dollar yatırım edəcək. Onun sözlərinə görə, bu, “Microsoft”un Asiyadakı ən böyük investisiyasıdır. Vəsait Hindistanda süni intellekt infrastrukturunun inkişafına, bu sahədə mütəxəssislərin təliminə və ixtisasartırmasına yönəldiləcək. “Microsoft” rəhbəri bu bəyanatı Nyu-Dehlidə Hindistanın Baş naziri Narendra Modi ilə şəxsi görüşündən sonra verib.

“Bloomberg” agentliyinin qeyd etdiyi kimi, son zamanlar “Microsoft” müxtəlif ölkələrdə öz əməliyyatlarının inkişafına xüsusilə fəal şəkildə sərmayə yatırır. Noyabr ayında şirkət Portuqaliyada data-mərkəzin tikintisinə 10 milyard dollar investisiya edəcəyini açıqlamışdı. Həmin ay “Microsoft” Birləşmiş Ərəb Əmirlikıərində data-mərkəzlərin yaradılması və əməkdaşların təlimi üçün təxminən 8 milyard dollar ayırmışdı. Sentyabr ayında isə şirkət Böyük Britaniyada Sİ infrastrukturunun inkişafına 30 milyard dollar sərmayə qoyacağını bildirmişdi.

Bu arada, ABŞ-da yerləşən elektron ticarət nəhəngi “Amazon” şirkəti Hindistandakı fəaliyyətini genişləndirmək üçün 2030-cu ilə qədər 35 milyard dollardan çox investisiya qoymaq planını açıqladı. Süni intellekt, logistika infrastrukturu və ixrac potensialının inkişaf etdirilməsinə yönəlmiş bu addım, şirkətin 2010-cu ildən bəri etdiyi 40 milyard dollarlıq investisiyanı tamamlayacaq. “Amazon” həmçinin ölkədə 1 milyon əlavə iş yeri yaratmağı və eyni dövrdə hind satıcılarının ixrac həcmini 80 milyard dollara çatdırmağı hədəfləyir.

Paralel olaraq, Amazon daxilindəki hind satıcılarının ixrac həcminin eyni dövrdə 20 milyard dollardan 80 milyard dollara qədər artacağı proqnozlaşdırılır. Amazon-un bu addımı son zamanlar investisiyalarını Hindistana yönəldən digər böyük ABŞ texnologiya şirkətlərinin strategiyaları ilə uyğun gəlir. “Microsoft” və “Amazon” şirkətləriylə yanaşı “Google” növbəti beş il ərzində  Hindistana 15 milyard dollar investisiya qoyacaq.

İşğal altındakı torpaqlarımızın
azadlığı uğrunda şəhid olanların
əziz xatirəsinə

Dağlıq Qarabağ münaqişəsinin həlliylə bağlı aparılan danışıqlar dalana dirənmişdi. Ermənistanda hakimiyyətə gələn yeni qüvvələrin Azərbaycana qarşı təxribatları artırdı. Ermənistanın baş naziri Nikol Paşinyanın işğal altındakı Şuşaya mütəmadi gəlişləri, Azərbaycanın qədim şəhərində yallı oynaması, Dağlıq Qarabağ “prezidentinin andiçmə mərasimini” Şuşada keçirməsi və separatçıların parlamentini də qədim şəhərimizə köçürməsini bəyan etməsi müharibənin qaçılmaz olduğunu göstərirdi. Ermənistan silahlı qüvvələrinin iyul ayında törətdiyi təxribat səbir kasamızı daşıran son damla oldu.

Kitabı buradan yükləyə bilərsiniz: Demir yumruk

Qarabağ savaşında həlak olanların əziz xatirəsinə ithaf edirəm.

2016 yadda qalan il oldu. Cəbhə bölgəsində 4 günlük aprel döyüşləri Azərbaycan cəmiyyətində ruh yüksəkliyi yaratdı. “Əgər strateji yüksəkliyi geri qaytarmaq və 20 ildən çox boş qalan kəndi məskunlaşdırmaq mümkündürsə, işğal altındakı başqa əraziləri də azad etməyə gücümüz çatar” fikri cəmiyyətə hakim oldu. Ancaq 2016-cı ildə ümidlə yanaşı ümidsizlik də yaşandı. Aprel savaşından sonra böyük dövlətlərin işğalçı Ermənistana təsir edib Dağlıq Qarabağ ətrafındakı rayonları boşaldacağına olan ümidlər özünü doğrultmadı. Bəlli oldu ki, hətta müharibə təhlükəsi də həmsədr dövlətlər – Rusiya, Fransa və Amerika Birləşmiş Ştatlarını Ermənistan hakimiyyətini yola gətirməyə kifayət etmir. Vasitəçilərin iştirakı ilə prezidentlərin Vyana və Sankt-Peterburq görüşləri nəticəsiz qaldı. Savaş başlayana qədər il ərzində müxtəlif görüşlər keçirilmiş, bölgəyə səfərlər reallaşdırılmışdı. Həmin ilin Qarabağla bağlı gedişatın və aparılan danışıqların təfərrütları barədə “Aprel atəş(kəs)i” kitabını yazdım.

Kitabı buradan yükləyə bilərsiniz: Nisan Ateşi

2014-cü ildən başlayaraq Ukraynaya mütəmadi səfərlər edir, oradakı vəziyyəti təhlil edirdim. Kiyevdə ikinci “Maydan hərəkatı” davam edərkən Rusiya Krımı ilhaq etdi, ardınca Donbasda Moskvanın dəstəyi ilə separatçılar mərkəzi hakimiyyətə qarşı fəaliyyətə keçdilər. Kiyevdən Donetsk şəhərinə gedərək oradakı vəziyyəti yerindəcə təhlil etdim və 1990-ci illərin əvvəllərində Azərbaycan torpaqlarının işğalından çıxış edərək Ukraynanı daha ağır böhran gözlədiyi qənaətinə gəldim. Gözlərimin qarşısında Donetsk şəhərində separatçılar və Rusiyadan göndərilən xüsusi təyinatlılar inzibati binaları ələ keçirirdilər. Donetskdə olarkən ilk 5 nəfərin qətlə yetirildiyi xəbərini aldım. Donetskdən qatarla Kiyevə qayıtdım və bu Donbassdan Ukraynanın paytaxtına hərəkət edən sonuncu qatar idi. Kiyevin separatçılarla mübarizəsi başladı. Kiyevdə və Donetskdəki müşahidələrimi və keçirdiyim görüşləri rus dilində qələmə aldığım “Maydandan maydana” kitabında nəql etdim. Kitabın həm Bakıda, həm də Kiyevdə təqdimatını keçirdim.

Kitabı buradan yükləyə bilərsiniz: От «Майдана» к «Майдану»

VACİB QEYD:  Elxan Şahinoğlu “Dağlıq Qarabağ: Statussuz Status” kitabı 2010-cu ildə qələmə almışdır. O zaman Azərbaycan hakimiyyəti status məsələsini ümumilikdə rədd etməsə də, “mərhələli” həll planın ilkin maddələri yerinə yetirildikdən sonra bu mövzunun müzakirəsinin mümkün olduğunu vurğulayırdı. Lakin ikinci Qarabağ Müharibəsi zamanı və ondan sonra da Azərbaycan hakimiyyəti Qarabağın statusu məsələsinin müzakirə olunmayacağını dəfələrlə bəyan edib.

Separatizmlə üzləşən dövlətlərin, o cümlədən Azərbay­ca­nın dünyanın müxtəlif bölgələrindəki muxtariyyətlərə artan marağı labüddür. Bu modellərin öyrənilməsinə və tədqiqinə ehtiyac var. Dünyanın tanınmış simalarından Dalay-Lamanın 2009-cu ildə İtaliyaya səfəri zamanı xüsusi olaraq Cənubi Tirola yollandığını xatırlatmaq lazım gəlir. Tibetin muxta­riy­yəti uğrunda mübarizə aparan Dalay-Lamanın bölgəyə səfə­rinin məqsədi İtaliyaya bağlı muxtar əyalətdə xalqların necə birgə yaşamasının nümunəsi ilə yerindəcə tanış olmaq idi. Bu və bu kimi təcrübələrin öyrənilməsinə erməni separatçıları­nın da ehtiyacı var. Çünki sonda Dağlıq Qarabağa veriləcək sta­tus bu kitabda nəql edilən 10 modelin statusundan artıq olmayacaq.

Kitabı buradan əldə edə bilərsiniz: Dağlıq Qarabağ-Statussuz Status