“Wall Street Journal” dərgisində yüksək rütbəli çinli diplomat Liu Ciançaonun həbs olunduğu barədə məlumat yayımlanıb. Xəbərdə Çin hüquq-mühafizə orqanlarının Çin Kommunist Partiyası Mərkəzi Komitəsinin Beynəlxalq Əlaqələr Şöbəsinin müdiri Liu Ciançaonu dindirilmək üçün saxladığı yazılıb. Bildirilib ki, yüksək vəzifəli çinli diplomat iyulun sonunda xarici işgüzar səfərdən Pekinə qayıtdıqdan sonra saxlanılıb. Onun saxlanılma səbəbi açıqlanmayıb.
Nəşrin qeyd etdiyinə görə, Liu Ciançao Vaşinqton və Nyu-Yorka səfərləri zamanı isti qarşılanıb və diplomatiya sahəsindəki təcrübəsi və uzunmüddətli fəaliyyəti nəzərə alınaraq, Çin xarici işlər naziri postuna ciddi namizəd hesab olunurdu. Bundan əvvəl Çinin xarici işlər naziri Sin Qan vəzifəsindən uzaqlaşdırılmışdı. O vəzifəsindən uzaqlaşdırıldıqdan sonra Van Yi xarici işlər naziri təyin olundu.
“Wall Street Journal” dərgisində yayımlanan məqalədə göstərilib ki, Liu Ciançaon iyulun sonunda xarici ezamiyyətdən qayıdarkən Pekində həbs olunub. 61 yaşlı Liu Ciançaon 2022-ci ildən Çin Kommunist Partiyası Mərkəzi Komitəsinin Beynəlxalq Əlaqələr Şöbəsinə başçılıq edirdi. O bu vəzifədə onlarla ölkəyə səfər edib. Liu Ciançaon diplomatic fəaliyyətə tərçüməci kimi başlayıb. O 2000-ci illərdə Çinin Böyük Britaniyadakı səfirliyində çalışıb. Bundan sonra o Çinin Filippin və İndoneziyada səfiri olub. Ekspertlər Liu Ciançaon yaxın gələcəkdə xarici işlər naziri təyin olunacağını proqnozlaşdırırdılar.
EN 
AZ 
RU 
TR